why gotick

Selasa, 19 Oktober 2010

Kumpulan Lirik Lagu Madhura

JAN - ANJIN
Jan - anjin , Kocplak koceblung
Nyello’ aeng baddhai bagung
Kapandhiya jagana tedhung
Ta’ cpla’ ta’ ceblung
Jan - anjin , Ekoca’ matedhung
Etotore mala nyambung
Panyambidda agarunggung
Egeppa’ meggung
Jan – anjin , Mon kepa’ , ta’ , kembung
Noro’ nanges marga kadharuy
Ajanji margana nanggung
Ding napa , tedhung
Jan – anjin , Kan napa tak tedhung
Colo’ manes eberra naggung
Kan moji margana naggung
Ta , salpa , burung
Jan – anjin , Kan santa’ sedhajung
Tako’ nyecceng laju e sambung
Maronggi baddhai tobung
Pas salpa’ ngejung
KER TANOKER
Ker tanoker jembuna massa’ sa sedde’
Ker tanoker lagguna nyapa ka adhe’
Ker tanoker jembuna mass’ sa panet
Ker tanokerl lagguna nyapa e songay
Ker tanoker jembuna massa’ sa corong
Ker tanoker lagguna nyapa elorong
Ker tanoker jembuna massa’ e pagher
Ker tanoker lagguna nyapa e langger
Ker tanoker jembuna massa’ sa leper
Ker tanoker lagguna nyapa e amper

PING PILU’
Ping pilu’ nganggi’ bidhik nontennoan
Ping pilu’ mon amaenna ja’ atana’ ping pilu’
Ajja’ akadhi’ mon semmonan
Ping pilu’ mon maenna tar dha’ kanna’

ES LILIN
Es lilinnah yo mas beddhe termos
Es lilinnah yo mas beddhe gellas
Ban arena yo mas ja’ ngalomas
Lalakona paparekas
Namen bighi yombu sokon
Tabing kerreb yo mas bennya’ kalana
Oreng odhi’ yo mas kodhiu rokon
Ma’ salamat neng e dhunnyah
NGAPOTE
Ngapote wa’ lajere e tangale
Reng majheng tantona la padha mole
Mon tenggu dhari ombe’ pajhelena
Me sabeny nya’ a onggu leollena
ReFF :
O mon ajelling odhi’na oreng majhengan
A banthal omba’ sapo’ angen salanjhenganga
Olle olang paraona alajhere
Olle olang alajere ka sorbaja
Lhe sa aler – Lher sa alher alher alherkong
Lhe sa aler – Lher sa alher alher alherkong
Koneng le’ konengnga konye’
Uwa’ embha nonton sape
Dadhi reng bhine’ le’ jhe’ nyengnganyeng
Mon ta’ penter ta’ paju lake

PAJJER LAGGU
Pajjer laggu arena pon nyorna
Bapa’ tane se tedhug pon jege’e
Ngala’ are’ so landdhu’ tor capeng

Ajelengai serrat kawejiben
Atatanem mabannya’ asel bumena
Mama’ mor ngre’ ben bengasana

SAMBUNG LEA LEBUNG
Temon lenteng e talango
Lolali lako kopi sareng ta’ e toto
Leole lekolajer
Sambung lea lebung

Lamon gennheng tenggi olmo
Lolaliu lalo kabbi oreng apangesto
Lekole lekoletar
Sambung lea lebung
ES LILIN CABBHI
Es lilin cabbih
Ayo bih , bittas ngonyer
Ayo nyer , nyerra otang
Ayo tang , tanggel ennenm
Ayo nem , nembung pete’
Ayo te’ , tekos coleng
Ayo leng , lengkar olar
Ayo lar , lakorlajeng



GEI’ BINTANG
Gei’ bintang ale’ gegger bulan
Paghei’ na janor koneng
Kaka’ entar ale’ sajan jheu
Pajheuna gan lon – alon
Reff :
Lea letes
Kembang kates
Lea letes
Tocca’ toccer

PENGGIR SERENG E SALOPENG
Badha settong penggir sereng e salopeng
Monggi temor dhajana polo madura
Tase’ beddhina pote bernana
Masenneng ate lebur paberna

Bannya’ oreng towa ngodha padhe dhateng
Apasangan ngarasa ag ate bunga
Angen ngalesser pote omba’ na
Ate sossa ampn padhe serna
Reff :
Atera’ bulan pornama
Tep ngaretep praoh e tennga
Abendhe nyabhe nadung sangsara
Nyoppre arebbhan ana’ tor binenah

PA’ OPA’ ELENG
Pa’ opa’ eleng elenga deng korancing
Na’ kana’ entar ngaji
Leollena bujha cabbi
Bagi sapa , Baghi embhu’
Reff :
Ana’ tambeng tao ngaji
Ngaji bebena bikol
Takhae’ bingkol
Etambena kaonye’ kapor


NAMEN BAKOH
Namen bako tanto bannya’ ollena
Nape pole se lebur atena
Namen bako tanto bannya’ hasellah
Nape pole e tane madura




LIR - SAALIR
Lir saalir kung , kan akowak e pakaje
Ma’ ta’rengsa kasenyare
Lir saalir kung , Mon ta’ kowat ja’ akarja
Ma ta’ sossa ka budhina
Lir saalir kung , Ngla’ obur neng roma
Mano’ poterv no’ ta - rata
Lir saalir kung , Jha’ takabur ja’ makomka
Najjan penter sogi arta
Lir saalir kung , Sate ate apalappa
Sangger ngodha taleyanna
Lir saalir kung , Meske mate ta’ arapa
Angger basdha le – ollena

TARESNA
Dhika jeu dhu le’
Bile jeu
Nyandhang tresna dule’
Berre’ onggu
Siang malem dule’
Bua moji
Moga dhika ban bula
Duli apanggi
Barinto ….. Rassana nyandhang tresna
Ate’ bingong
tak karowwa ker pekkerran

DHA’ EMMA A CAPANG
Dha’ emma a capang , melleya rokok
Soro sapa capang , soro nyae
Nyae sapa capang , nyae leddu’
Du’ apana capng , du’ tabu’na

MON TEMMON BUKOH
Mo – temon bukoh , bukona lorta’ larting
Ambhet tatta’ ambhet titthing
Pangeran nyono’ ko’ iyeh
Pangeran nyono’ ko’ iyeh
RONJANGAN
Wa’ ronjangan la e tabbui - e tabbu
Wa’ ronjangan la amonye
Menyena sajan ranyeng
Se padha ngeding
Oreng tane padha anga – buga padhi la etotto
Ronjangan la etabbu tak – tik ¬ tik –tik – tik



KEMBHANG MALATE POTE
Kembhang malate pote
Bheuna ro’om ngapencote
Gi buru e pettek dhari taman sare
Ropana nyenggar tor asre
Ta’ seddhe’ akadhi malate
Menangka pangesto
Kaator ka potre
Sa saddha’ akadhi malate

DHI’ DIDDHI’ LEA LEO
Dhi’ dhiddi’ lea leo pocetta kodha’
Na’ kana’ terro lakeya
Gi’ buru e sodo’
Dheng jellu dheng mattuana
Entar ngaleleng bhina , noneccer
Beddhung patel
Paras kampe’
Ras paras bi’ ahmad

LAN BULAN
Lan bulanan le’
Padha nengkong le’
E taneyan le’
Ce’ sennengnga .. . . . . .
Lan bulanan le’
Padha nengko le’
E taneyan le’
Senneng onggu ……….
Ayo kanca , kanca
Padha anga bunga
Tera’ bulan kanca
Tar kataran ……..
Lan bulanan le’
Padha nengkong le’
E taneyan le’
Ramme onggu

BUL LAILABUL
Bul lailabul cengan ternak
Bul lailabul juko’ langgung
Bul lailabul mon bengal kanna’
Bul lailabul mon tako’ mondor




TERA’ BULAN
Bakto tera’ bulan
Tera’na tar kataran
Na’ kana’ padha en – maenan
En maenan e taneyan
Lebur onggu tera’na bulan
Badha se tek – eteggan
Otaba rem – erreman
Badha keya se le’ gila’an
Selaen alar – kolarjang
Laenna saleng tabeng
Badha pole se bak tebbagan
Konco’na ka asem , salorra ka taman

SOTO MADURA
Mara koddhi soto madura
Se a dasar e paddhuna sorbaja
Du , lemma’ tor ajhang tanenganna
Tok ma letto dhagingnga a krambangan
Mon ta’ dhujan soto madhura
Jereya se nyamanna potong jhilana
Du , emanna mon ta’ kabibisan
Kare a leng kaleleng e sorbaja
Du , ale’ kare melle se dhimma’an
Mang dulkuwan ghun dissa
Pada nyaman la - olana
Mon se tobuk rassa korang
Du , le’ – le’ madda aghi bu’ na kacong
Me’ la sengko’ nyaba’ aghi ya
La pola sedha gita’ percaja
Bhuteya ghi ta’ percaja
Ma’ atena ta’ dhaddi ngenbangennan


DUNG ENDHUNG ANA’
Kabi gella’ ta’ gellem katondu
Nyeksa ka aba’
Kole’ na maranga’
Ta’ nyaman aba’
Asal baras , mara duli baras
Sengko’ akaola , arasolla dhuwa’
Sokor gellem tedung
Dung endung reng ana’ tedung
Mon ta’ tedung baghiya ka baung
A karessek koceng garambis
Tang soko cora’ e kekke’a


NENGGU KERRABHAN
Ella dhapa’ sateya temasana
Sape bhakal e kerrapwa’ ghun dissa’
Oreng padha alongo ce’ agherre
Nomer settong so dhuwa’
Menangka mola ocolan
O , rowa’ la e yocol
Su , tandesa paburuna
Ontong ta’ nyebbhal
Bhagus onggu sapena
Reng oreng perak bhunga atena
Nyakse’e dhapa’ sateya temasana
Sape bhakal e kerrapwa’ ghun dissa’
Oreng padha alongo ce’ agherre
Nomer settong so dhuwa’
Menangka mola ocolan
O , rowa’ la e yocol
Su , tandesa paburuna
Ontong ta’ nyebbhal
Bhagus onggu sapena
Reng oreng perak bhunga atena

NYELLO’ AENG
Neng e dhissa’ bhule nela’ reng nyello’ aeng
Areng – bhareng sambi nyo’on pelteng
Porong lorong se onggha etoron etas ghunong
Sambi ngejhung ke tenggalan atong
Bila peltengnga pon padha a esse
Saleng ghate juma’ tolos ate
Bila peltengnga pon padha a esse
Padha sambi mole sambhi ngejung tenne

GHU TONGGHU SABA
Sa lagghu neng e saba
Ghu tonghu so ca kanca
A jhaga asel tane
Padina la nga – koneng
A era’ epakaja
Ngoddhak mano’ se bada
Tat – setat ghalte so keddhi
Maruwet ka sa andhi’
Horra ‘
Horra’ mano’ horre
Horra !
Horra’ mano’ horre
Ghu – thogu e saba Maperak ate
Amargha molongnga
Asella tane
KERRONG
Abit onggu rassan se kerrong , ta’ dhi ‘ tapangi
Salerana , Ekahajat nyaor barra’ ate , namong pas
Bakto sangalange ate ngen bangenna , emot ka
Salerana , baktona , long polong dhimen , kantes abit e
Madhura , moga e’ ka abat tapanggiya , oreng se jhau
Aromassa jhugan

NGONDHU DHUWA’
Lebbha’ onggu bhuwan dhuwa’
Ngo – bhungo bernana
Ngalecer terro ngarassa
Du , kak kabellas ahi
Ngai’ aghi saghundhungan
Du , kak
Du , mae’ aghi ebaba a thoguwa
Ka ondhuagi ngala’ se je – raja
Du , mandha’a sennenga ate
Ngeba mole sakalbhut raja
Ka’ jha’ pakare
Ngala’ sakarebbha
Du , mandha’a bhungana ale’
Neddha’ dhuwa’ bi’ – takaabi’

ADHINA MELLAS
Ta’ kasangka kadhaddiya
Karuwedhan dalem tang ate
Kabit mola lakar polasdha
Taresnana ambha’ pate
Kaocap manes ongghu nyellep aghi
E ker pekker budhi arena
Kabhangetdhan tengka polana
Se sabban pasemma esto
Dhabuna ngellos ate
Du sateya adhinggal aba’ seddhi
Du , tegana ningghal aghi
Ate se kapencot taresna
Apa pole se esare
Mon sakabbhina ella lastare
KO – SOKO
Ko soko ja’ enju’ pocedda koddu’
Ale’ alakeya gi’ belun toddu’
Kaka’ toju’ , rantang ale’ toju’ teker
Kaka’ dadi mantan ale’ se malekkur




MALEM KERRABHAN
Ebakto malem kerrabhan
E bangikalan pon tanto ramme
Bannya’ oreng ban reng manca
Dateng parlo ngel – nangale
E lon alon seghir dhaja
Kennengnganna oreng ajuwalan
Ban ta tenggurra da pole
Ka jabhana salabatdhan
Dhari jau ban ka pereng
Monyena tuk – tuk gha sape
Matoghiyur atena
Sadhaja reng se negghuwa
E bakto malem kerraban
Ramme ban reng se lan – jhalanan
Kasempatdhan ka pra ngoda
Dateng parlo gol senggolan
E bakto malem kerraban

PALABBHUWAN KAMAL
Du , arowa’ neng e palabbhuwan kamal
Bannya’ motor se nyabbhranga ka sorbaja
Ngeba barang dhagangan hasel madhura
Se ella kalonta e tana jaba
Du , arowa’ neng e pallbhuwan kamal
Ondhur dateng oreng se nompa’ prao messin
Bannya’ keya reng se coma lan – jhalan
Parlo ngal – nengale malebur ate

ASTA AERMATA
Aer mata , aer mata , asta raja
Pasareyan , Pasareyan , rato molja
Aer mata , aer mata e resbhaja
Kantos mangken , kantos mangken
Pagghun badha karamaddha
Asta bhuru ta ’ aoba
Dhimen mola bannya’ oreng aziara
Kene’ , raja , ena , molja , padha mojja
Aer mata , are ma’a , asta raja
LIR SAALIR
Lir saalir kung , ja’ takaba burja’ makoma
Mojjan penter sogi’ arto
Lir saalir kung , ngala’ obur eroma
Mano’ poterno’ tarata
Lir saalir kung , sate ale’ apalapa
Lir saalir kung , mas ke mate ta’ arapa
Angge badha le – ollena

PAHLAWAN TRUNIJOYO
Kabit dhimen ampon kaalok pahlawan madhura
Ta ronggu abdhila ka adhilan nusantara
Trunojoyo gaga’ tor bangal menangka pahlawan
Saterana bhabhar
E pabhabharan kotta sampang
Tojju epon malejjer panjajah dari belenda
Terros laju nantang alorok mosona
Trunojoyo lampa epon e but sebbhut Salanjhanga
Ongenga pajennengan sadhaja
Para potra e madhura
Ja’ dhimenghik bakto jhaman rajha
Badha kembhanga negara
Kembhang buru dhari sembilangan
Karatona e ka’ dissa’
Mongging bara’ lao’na bangkalan
Samangken pon daddi dhisa
Pangeran ckraningrat peng 4
Kasebbhut sindikap jugan
Kasatreya pane ka ampon nyata
Socce abila nagara
Kasatriyae gagal banga dhuru
Ejhi pojhi ta’ bu amb
Badhi kaca kebbhang ngoda
Pamondhi madura

POTE MADHURA
Raddhin koneng potre madhura
Pajalana neter kalenang
Edheng pandheng ta’ a busenne
Palembayanna meltas panjalin
Alos onggu tengka gulina
Nandha aghi tenggi darajatdha
Adu tretan ka pencot ate
Mon nengale potre madhura

BHANG - OMBHANG
Ka’ jha’ eyombhang mon bula lan – jhalan
Ka’ jha’ eyombhang mon bula lan – jhalan
Berra’ rassana ate edhinggal ka dhibi’an
Bhang – ombhang bai ombhang bai bula so’on
Ombhang – ombhang tresna ombhang tresna ekebha mate
Ombhang – ombhang tresna ombhang tresna ekebha mate





KE’ LESAP
Ngarep daddhi rato molja tor sakte
E ghunong gegger ke’ lesap atapa
Dalang kapereng ka ajunan gusteh
Ke’ lesap e karsa aghi ka kotta
Asal dhari pocong ngabdhiya gun bangkalan

Ka tampe e karaton daddhi pajaranan
Rato ngandhika
Elang aghi hajat atapa
Ya’ langghar mara molang ngaji neng e kotta
Ke’ lesap nolak lolos ta’ e pangghi
Ka pereng nyajjha e panjjuddhan tengghi

NGAMBHAT LAJANGAN
Mara ocol lajhanganna gun e dissa
Sengko’ se ngambadda pas olok angenna
Sengko’ se kacer jha’ patako’ teleng
Ghulunganna pas tengghu ja’ pa salengka’
Bhinareng ya’ angenna pas ceddhu
Lanhalanganna akaleppek onggu
Peopeopeo
Mara pas dhateng
Makko nas panas
Ngambhat edhuya
Ngambhat edhuya
Lebur ongghu alajangan ghun diya
La la la la la la la hm hm hm hm hm hm

JHANJI KAPATE
Bulan pornama
Nyonar caja ka bhume
Tang ate pera’ ongghu ngabas ka pornama
Engak ka ba’na
Bakto ajhanjhi pate
Kaocap sambhi ngaghu ngarambay aeng mata
Moga kaparenga
Emot ka tresna
Makko te’ - dhente’ an
Kalakon sampe’ bateas omor
Margha reya jhanjhi kapahthe







ENTAR AKARANG
Entar akarang bula
Nyareya karang bula
Ka pengghir sereng
Kalaban sampeng
Ta’ osa nyambi bella
Ta’ mambu ala bela
Mon nyambi koreng
Olle pas teng teng
Du , senneng areng bhareng kanca
Nyare engon abanto oreng towa
Tanembhang en maenan malolo
Mowang bakto parcoma
Ta’ aghuna
Maddha dhulien kanca
Aeng pon sorot
Mak ko om ba’ carana
Kenneng pancale

TUTI’
Ce’ taako’na enneng ka dhibik ko’ iya
Gha bula ta’ e nyentara bhuta
Tadha’ oreng embu’na ka pasar adhina tajin
Du , mandha’e athe bhuju
Marlamodhan onggu katako’ an
Ti’ - tuti’ , Embhu’na bhada dhimma tutik ?
Mon tadha’ oreng sengko’ maso’a ngalak tajin
Ti’ – tuti’ , soddhu’na badha dhimma tuti’ ?
Mon ta’ ebeghi sede e ceppa’ a ontal malang
Du , ma’ bhuta bula asapora’a ka dhika
Mon se olle , madda pas paro edang
Kor akoran

PENGGHEL MADHURA
Arowa’ oreng bebine madhura
Apenggelan salaka
Ajhalan ce’ lemmessa
Oh , penggel ekadulaja soko kennengnganna
Ta’ arassa berre’ atengka
Ajalan ce’ nyamanna
Penggal salaka
Aoker ce’ bagussa ongghu
Ngaredhap – redhap
Pote lemmes
Saongghuna jareya sabagian adhat
Ngghuy reng bine’ madhura
Oh , penggel madhura

NGOMAN ALE’
Je’ nangesan le’
Eyebhana rebg raddhin
Wa’ e dissa’ la ngamba’ biibi rembi’
Ya’ panas sambi ojan menangka tandhana
Ja’ ngambulan le’
Nyada raja reng seddha
Yu’ angoranen maenan abu dissa
Sambi lor ngolor sokona
Ja’ ngambulan le’
Kotor as jhung – kejhungan
Limpung kole’ tabeha
Limun kole’ pay – keppay
Bha taowa nerowaghi ngejhung pole
Limpung kole’ tabeha
Limun kole’ pay – keppay
Koddhi jajal seda pas eyembhana

MADHURA PERNA
Perna onggu paseser madhura
Kaoladan dhari jau
Lajar nyarapo ngapote
Sera se ta’ kapencot ate
Omba’ kene’
Aeng bhiru
Ngacernang bhere ropana
Pangorebbhan oreng ana berna
Nyopre odi’ se le – ollena
Makko jhau reng dhari madhura
Bannya’ enga’ ka polona
Margha ta’ loppa paka perna

BEKER MADHURA
Rowa sapena laajhajhar ekerrabbhan
Se nompa’ kleles ngangghuy pamokolan
Ngantossa matere ngebbher mandira pancolan
Kerrabhan sape kesenian e madhura
Paburuna angen kalan busbus
Sape pon eyocol maenang juara settong
Kopa’ sorak ce’ rammena
Mole sambi atandhang , lo – to bhit – sambhiddan
Nganjuk beker samaudra






PORNAMA E PENGGHIR SERENG
Pornama e pengghir sereng
Cajana tera’ tar kataran
Bintang te – ngarettep
Langnge’na bherse maperna alam
Katonna dhari tengghangan
Omba’ ngapote bang – tabangan
Angenna ngalesser dhari mor dhaja
Nyalessep ka bhadan
Dhari jau paraona
Dhamarra katon tep – kettebhan
Alajar ngedher sagara
Sarat kalaban barang dhagangan
Pornama e pengghir sereng
Cajana tera’ tar – kataran
Aduh perna onggu essena alam
E tera’ bulan

DHI’ DIDDHI’
Dhi’ dhiddi’ ketana pao
Ngalle olle ka nangka
Di’ ini terri lake ode’ samentana
Teng janteng me’ tauna guru dhateng
Dhatenga are jum’at sabot
Kaka’ toju’ rantang
Ale’ toju’ rantang
Ale’ toju’ teker
Kaka’ sema kette’
Ale’ se malengker

NANG KONANG BU’ U’
Dhujan nanges ropana
Je’ nyeksaan reng towa
Reng bhagus , ma kanna nyare angen
Aju nyare nang konang
Bannya’ onggu monb e pegha’ e
Reng bhagus , e balana cara megha’
Nangkonang bu’ u ;
Codhut nyare geddhang
Na’ kana’ nyare embu’
Tagudhuk ka bang labang
Nang konang nyaropo
Ngadhirap e kennenga
Na’ kana’ nyare embu’
Pas labu kapelengan
Pas chandhak nangkonanga
Los ellos ghun etanangnga

SESET JAMBUL
Set budhina pegha’ oreng
Set budhina pegha’ oreng
Jha’ aghaja’ an
Mon oreng megha’ seset
Malamara tolonge
Nyare aghiia jhara ta’ tolong
Mongghu dha’ ca kancana
Ma akor atanggha
Odhi’ rokon
Seset jambul jambulla nyare kakan
Konanna set maloko’
E kasambhel e kajhuko’
Re – karna baghi sengko’
Set jambul , bah
Tadha’ se endha’
Set dhanar set jambul
Pada tadha’ kakabhi
Set jharum enda’ keya

JHARAN KEPANG
Se eka ghetton onggu padha bada
TA’ ejhaba e sodha ban madhura
Dhari bidhik kabbhi jarana
Bhelling bu’u tetes jhan – dhujanna
Kadhang se nompa’ ngabhuk jhang – ghujangan

Se nenggu padha ngerares se atena
Bhelling apak rewes katona
Ma’lum mpn se nompa’ kasosobhan

Nyamana jharqan kepang
Merep jharamn ongghuwan
Jhalana ca’ lonca’an
Menoro’ tabbhuwan ke ta’ dindhang ta’ tong ta’
Neng nong neng nong neng cur ha’ ha’ ha’ jhangghur

Mon la mare lakona ps bu – ambu
Nestes pello konengnga ce’ neserra
Ngangghuy jeren kepang ta’ tegha
Amargha acorak ce’ lessona







REM – ERREMMAN
Le’ maddhana dhika duli ngerrem bula nyokemma
Mon pon dhika sepeng ja’ akasa’ bule nyarea
Coma’ bula messen ongghu ja’ kantos abit ngerrem ko’ iya
Piyo’ ka piyo’ pon ja’ pege’ aghi
Bule pon sepeng ta’ kera e temmo
Piyok ka piyok maddha sareyaghi
Bule se ngerrem ampon mapan ongghu
Suwit . .. . . . . . . . . . .

YAR - GIYAR
Pereng mera ta’ e koset
Kembhangnganna berna konye’
Oreng lara epot – sapot
Oreng bung e tamoye
Padhi karang sangka mate
Nyangka bata neng etana
Dadhi oreng pangastete
Ma’ ta’ kasta ka budhina
Ngala’ kaca ban calana
Ngala’ apen ban gulana
Eacar kala’ parlona
Ma’ ta’ busen edingana

E DHBIBARANA
E kana’
Sengko’ andhi’ kanca
E kana’
E jhubara’
Paennenga jhatmeka
Paghulina coman mesem belibis
Barambama caranqa bula
Ma’ ta kasta budi are
E kana’
Sengko’ andhi’ kanca
E kana’
E jhubara’
Paennenga jhatmeka
Paghulina coman mesem belibis
Barambama caranqa bula
Ma’ ta kasta budi are







CUNG KUNCUNG KONCE’
Koneng adloon
Ko mautan tao a bajang
Pabajangnga bias tedhung
Ondur setting jung baba’an

YA YA YA
Ya ya ya , adha odhu terros odhi’
Ya ya ya , ngala’ powan baba tabun
Ya ya ya , jaga tedhung terrom modhi’
Ya ya ya , ossoan ngangghuy sabun

LABU NENGKONG

Dhaddhali ale’ dhaddhalkong
Mare mandi ale’ labu nengkong
Ta’ mantoman seda le du , neserra
Bedda’na balerong
Mara se mandiya
E bun temor ghun ghentong , ngangguy canting
E , ma’ pas nanges dagghi ekopes kopengnga
E , keng aghaja’ ,
Mara eghindungnga
Ma’ ta’ labu nengkong pole


TAPANGGI POLE

Eka bajang saabiddha dhika dalem mempe
Du’ – adu’ ma’ pas ngombar dhak sakala ghunanyana
Sempat elang mosna sema engenangen bula
Ja’ – enja’ ce’ taona se makala ate bula
Bakto tapangghi bula ngetter kabbhi
Senerbhana bhadhan kadhi serobbhuwa ongghu
Emot lamba’ bakto dhika ghi’ nresnane bula
Du – adu cora’ se ta’ apesa’a tora
Makko nasab bula kadung serret sambhung gella










KAELANGAN SELLO’

Ke’ Rangke’ kakonengan
Nemmo sello’ elang pole
Sare aghi ajam pote
Ke’ rangke’ kakonengan
Nemmo sello’ elang pole
Ayo sareaghi ayo sareaghi
Adu ngennes aba’ bula
Abali ta’ katemo
Abali ta’ katemo
Abali ta’ katemo
Du , ngennesa

PACAKANG ALAKO

Klaban dhasar pancasila
Tor dhang – undhang dasar empa’ lema’
Esse’e kamardhekaan Indonesia
Abhangon e sabbhan bidang
Settong naghara se rajha
Pon kalonta da’ manca naghara
Ngasellaghi kabhutuwan searopa
Sandhang pangan ban laenna
Dari jhau katengal mentamennan tombu
Ghumbhus rampa’ cengngar ngabhiru
Nandhaaghi bhume Indonesia tana epon sanget landhu
Oh , potra potre sadhaja
Nyara saroju’ pacakang alako
Nyopre kantos abhukte settong masyarakat
Adhil ma’mor pada melo

NYARA ABHANGON
Adu taretan mompong mangken kasemphaden
Bhangon naghara ajjha’ sampe’ kadhingghalan
Adu taretan soddhio alako pacakang
Pada saroju’ abhangon e sabbhan bidang
Pancasila menangka dhasar panotdhan
G.B.H.N. menagka pa’todhu lalakon
Oh .nyara abhangon e paaddhreng kantos kalampan
Settong masyarakat adhil ma’mor pada rata








TOPA’ LADAH

Kalonta mala ghi’ jaman dimen
Settong da’aran sae rassana
Topa’ ladah kassebbut nyamana
E Bangkalan ka’ dhinto kennengnga
Molae baja sobbu baktona
Bo’ Lena ajaja daganganna
Maso’ kampong tor epenggir jalan
Bannya’ kanca se pada ajajan
Eda’ar baja langgung , lebbi lebbi eare menggu
Saena tada’ bandingnga
Nyara tretan sadaja pada areng sareng
Mondud topa’ ladah
SARE TAMAN

Sare taman neko mongghu ka dhika
Dari jhau ta’ e cabaca
Sare taman neka mongghu ka dhika
Dari jhau dhuka ta’ e pasapa
Bila dari semma’ ate tasangsang
Bila dari semma’ ngapencot ate
Majhembhar dhaddhina ate se posang
Ghamogha dhaddhiya sare na ate


EKEKKE’ RENGNGE’

Biasana mon la malem rengnge’ngarobung
Bilebbi mon lekena ta’karabat
Du,cakanca mela kodhu agajaga
Ta’kangse’a rengnge’nadhadhi panyaket
Tun,tun dangnge’ – dangnge’
Kopengnga Entun,tun,kekke’,rengnge’nge’
Du, neserra kah akarengnge’nge’
Samalem bhentengteng,nye’ngarenye’nye
Ekowa sengudha kana ta ghellem sebherse
Manangka pandhuman ma’ghellis ngastete.











SE NANGGAHALA

Onengnga panjhennengan sadhaja
Edhimenna bada tombhak ghaman
Ghaghaman rato e Bangkalan
Asmana se nangghala
Tombak se nangghala paneka
Ghaghaman bhanget roe mandhina
Manabi kantos dhirghantara
Para moso mosna sadhaja
Asal mola tombhak nangghala
Dari nagha etengnga saghara
Ghi jhaman mola madhura
Kantos Cakranengrat peng lema’
Manken tombhak ghaman maneka
Kalonta bannya’ se nero pada
Pada ngako se paleng jhaya
Nangghala kaseyangan sadhaja.

MOSEM ANYE

Mare pajhar la pada ajhalan
Dapa’ka saba are bhuru ombar
Mano’ngoce ramme ot saotdhan
Anye elepor kejhungnga lancing paraban
Mosem anye padi pada dhaddhi
Tondu’ merras hasella cokop madhane
Asar maba la male abhareng
Padi epekol eso’on atena senneng

NGENNES

Aduh ngennessa
Emalem telebt seppena
Ojhan ta’ambu
Kelappa rangrangrang nako’e
Kacong se nongghal
Nanges ta’ baja mellas aghi
Aeng tengalla
Aghili marentek Ebhuna
Kerrong ka Eppa’nase ella abit apesa
Adhina anaa’bine
Parlo abhilla naghara
Ngoman ebhuna
Bengrembeng ta’ manggha mekkere
Tedung cong tedung
Eppa’na lagghu’ la abali

DEL SENDELAN

Jhauna ghan Pamekasan
Ngalebadhi dhisa Camplong
Emanna se pas arosaghan
Kare abit le’se along - polong
Bang rorro nyanghu salaka
R’wa perreng cabbhur kakolla
Sangghu terro searosakka
Jhareng dhika se a tengka pola
Jha’kangse dhi ka jhuba’ panyana
Lopot ka dhika bula
Netep aghi paste du,le’jha esyesaghi
Du,panganpora
Du,dhika marenda ate
Mellas bula ta’tegha
Mon lakar lerres totorra ka’
Maddha dhuliyan n’tar kapangolo

EYOMBHALLA PETE’SETTONG

Ka’seka’ bungko bula Lenglengaghi
Bada se ngabbher e bangabang
Ghneko mano’sek’nyamana
Se andi’ pete’ pas koronge pasepeng
Margha seka’dhujan kepete’
Sadiya aghi kateppella
Dhika pas ngentep e amperra
Mon enten seka’na kejhunge pasalpa’
Sopaja alengleng malolo
Ka’seka’ bengko bula lenglengngaghi
Eyombhala pete’ settong
Bengko bula lenglengghi
Eyombhalla pete’ settong
Eyomballa pete’ settong












BA’ AMBAAN

Te’–dante’ an bulabilla selebadhdha
Seyang bada emata malem bada eate
Ekamempe …………
Apathenghan slaja odheng peret baghus
Mon pas mesem ate bula
Terros kapencut sabhatara
Lemmes kabhbhi
Du’ka’ko bula ba’amba’an
Embun daja bgarepaghi palebadha
Seare rassana ataonan
Ta’tetemmo so dhika arempongan

AJHAR ATATA

Atata le’Yu’atata
Ella bajana ba’na atata
Atata toron tana
Pas akaleleng taneyan
Atata le’ Yu’ atata
Kana’mara ba’na balakseggha
Mapotong tengnga ongghu
Pabannya’an jhamo tellora
Salagghuatata atata
Mon lesso pangarsot eteana
Bangkongnga potcopot abu
Jhailla pangalapa
Jha’lesso le’ mogha baras
Dagghi sakejjha’agghi
Ba’na pas latao jhalan dhibi’

TA’TONG

Tore atari tore nyanyi
Aperang giliran noro’ ekopa’
Tore apenca’ tore ekopa’
Ajaln nyarele kadi’ buntang akece’
Tore kangaen tore tetenen
Oreng atengka ajja’ atengka langka








TA’GOYANG TUL TUL

Ta’goyang tul tul, pereng odhi’ gabay jamo
Ta’hoyang tul tul, asang-sang ekates mereng
Ta’ hoyang tultul, oreng odhi’benya’ elmo
Ta’ gempang e ethas oreng, ta’gampang e ethes oreng
Ta’ goyang tul tul, jangan tarna’ jangan ota’
Ta’ hoyang tul tul, senyaman campore rante
Ta’ hoyang tul tul, benya’oreng ja’tokato
Taka badha sake’ ate taka’ badha sake’ate

RARAI

Rarari ka Sampang melleya kabbi
Rarari karanjangnga meltas kabbi
Rarari ta’gampang jaddi reng budhu
Rarari salanjangnga meltassagi
Rarari melle lenca’ ka Paseyan
Rarari melle bedda ka Mordhaja
Rarari bila leca’ sakaleyan
Rarari saabidda ta’eparcaja












3 komentar:

  1. ngapora, empiyan endhik lagu se versi mp3? den kaula terro ngeding agi. sakalangkong...

    BalasHapus
  2. Kak,. makasih banyak ya,..
    sangat membantu :D

    BalasHapus